2013年5月20日 星期一

芽莊越式料理~

優閒的星期日,約了YAN同YIN尖沙咀行下食TEA,因為太熱,決定只行商場,順便係入面搵食呀,聽YAN講芽莊幾好味,一於試下,都好耐冇試新野了,最近成日食連所,去到好多人呀,要等位,唔記得等左幾耐了。



睇入面環境好似西餐廳,有點優雅感覺。


好型又唔點解會出現既綿羊仔,究竟有咩典故。


咁岩坐正窗口位,欣賞海景,好正呀。


咁岩坐正窗口位,欣賞海景,好正呀。


爽腩粉,湯底清清地,幼身河粉幾滑,爽腩有點來韌,味道一般。


河內蕃茄蟹檬,個湯底唔算好濃既蕃茄味,少少酸,咁先好,唔會好漏,有碎粒粒既蟹肉、蕃茄、肉丸同扎肉,好足料,檬粉爽口,OK呀。


另外有青檸同辣椒調味。


因為好大碗要SHARE食呀。


香煎釀墨魚,個賣相好吸引,份量多,入面係肉餅,幾惹味。


越式凍咖啡,同餐廳既賣相唔一樣,聽講味道普通呀。



算比較清淡既越菜,淡得來都幾好,感覺比較健康,不過飲品太貴呀。



尖沙咀廣東道17號海港城海運大廈地下G51號舖 


沒有留言:

張貼留言