麥記黑漢堡~

麥記最近成日出新野,除左飯,仲要出埋珍珠奶茶,多元化到...今次黑白漢堡有興趣試下咩料子,冒住中伏既危機,外賣返去食,同估計既一樣,理想與現實,廣告同實物唔同,貫徹麥記的作風,黑色麵包原來係墨汁麵包,仲以為係竹灰,餡有生菜、兩塊煙肉、牛肉、薯蓉同秘製松露蘑菇風味醬,黑色麵包口感比較硬,唔覺有墨汁味,打孖上既煙肉、牛肉幾有份量,有薯蓉又幾好味,口感接受到,蘑菇汁太少,整體OK呀。