2010年9月19日 星期日

北海道牧場餐廳~

聽yan講中環新開左一間店,食既野好似澳牛同華星咁的,又係用3.6牛乳既,最唔同係可以轉窩芙,諗諗下好熟,原來真係銅鑼灣間分店呀~果時本身都想試,不過因為見劣評如潮之下冇去...不過聽中環喱間分店唔錯,決定來一試啦~!


我地夜晚去食,所以冇咩人呀,聽講只係lunch爆多人(這是當然的喇...),加上間店係向8樓來既,所以唔多人留意都唔奇呀~!



我地坐巴位係近窗口既~!

看落下~~~~!

好正呀佢有日清麻油的~~~~~~!

北海道套餐~我地2人都叫左喱個呀,招牌貨,如果係lunch食既話就$28($30內)到,因為係晚餐之下貴d要$35...個餐有叉燒日本湯意粉,多士雙蛋(加$5可以轉窩芙既所以轉了),蛋有少蛋同煎蛋揀(要左炒蛋呀),同咖啡或茶~!

北海道咖啡~聽講咖啡唔錯味試下,杯咖啡真係好細杯呀~睇個款係即磨咖啡來,因為賣點係3.6牛乳之下所以比平時落多d淡奶(平時飲咖啡近附唔落or好少...),唔知關唔關3.6牛乳事,個味道好香濃又滑,得左呀~!

杯咖啡加左半包既黃糖~~~~~!

叉燒日本湯意粉,個賣相已經好吸引,好濃郁既湯,濃得來不唔會好杰又唔油,好味呀,個湯濃味之下令意粉都幾入味,d意粉都幾彈牙,唔錯呀,叉燒份量唔算太少(可能因為比澳牛多而有此覺得...),都幾好味呀~!

炒蛋+火腿+窩芙~個炒蛋份量唔算太多,不過食落唔錯既,不過唔算太滑呀,塊火腿普通得來有點韌呀~!

奶醬窩芙~本身係多士來既,加左$5轉左奶醬窩芙,因為覺得幾特別好想試下,最初驚會太硬呀,不過食落又唔係硬wo,軟硬度適中(不是睡床肉呀),加上奶醬之下幾好味~!

奶油窩芙~可能係牛油唔夠多,食落有點乾,同個味淡左,都係奶醬好食點呀~!

yan叫既,加$4轉3.6牛乳,聽講分別唔算太大,只係甜左點既~!

幾抵呀~!
綜合來講喱間都唔錯呀,值得讚既係個叉燒日本湯意粉,竟然好食過澳牛,不過炒蛋爭點呀,炒蛋始終係澳牛最好,多士未食過之下唔知呀,不過窩芙幾好味,同咖啡唔錯呀~!
中環靈頓街33號The Loop 8樓

沒有留言:

張貼留言