Contrast

 
假日同友人去睇戲順便食Lunch，因為早去到未算太多人唔洗點等就有位，再晏點就好多人排隊。

餐廳裝潢感覺型格幾有feel。

即睇餐牌，本身只想食熟食嘆杯啡，但見甜品又好吸引，一於照叫開心Share。

Creamy Black，$40，友人的，味道幾好。

Orange Black，$48，橙汁味較重，啡味有但較少，但酸酸地幾清新，係炎夏之下飲返杯真心好爽。

墨魚汁扁意粉伴蟹籽，$88，見好多人推介呢個就試下，扁意粉口感彈牙，墨魚汁味濃郁，有蟹籽伴食帶點鮮味，墨魚片份量少，都幾爽口。

竹炭糯米窩夫，$128。

賣相豐富仲要有條雪條，窩夫口感外脆內軟又煙韌，幾好味，配上香甜的忌廉及草莓醬味道更正，有埋酸酸甜甜的草莓及藍莓中和甜度，牛奶雪條味道正常。

食物上甜品幾好味，價格正常。

長沙灣福榮街512-518號依時大廈地舖