泰亞萊海南雞專門店

 
假日約了友人行下深水埗電子特賣城入下貨順便食飯，上網搵下見到間海南雞幾正即去試下。

餐廳面積頗大，簡約設計，7點幾去到唔算太多人都有位。

餐牌，招牌係海南雞飯，仲有其他泰式菜式。

招牌海南雞飯，$60，配海南雞醬。

賣相不俗，份量適中，雞肉嫩滑，外皮爽脆味道幾好，配上酸辣的醬汁更美味，

油飯唔算太油，少許香口味道正常，冬瓜湯清甜解油膩。

椰汁冰，跟餐加$8，清新香甜，夏天飲好爽。

食物味道不俗，幾抵食同不收加一，下次有機再食。

深水埗福榮街97號地舖