假日同友人專程去屯門食鵝肝漢堡，係IG見到實在太吸引即想去轉(想食到)~!
小小的店子，設計簡約，以橙色為主調，因為早去到有位，之後越來越多人，果然受歡迎。
餐牌，都幾多選擇，叫左兩個Set Share。
凍檸茶，踉餐+$4，兩個杯都唔同...偷聽到好似唔夠杯用。
富二代，$108。
有黑松露醬、焦糖洋蔥、鵝肝、沙律菜、車打芝士及手打牛肉漢堡扒，賣相好吸引，而且份量十足，個麵包外脆內軟帶點牛油味，美味!有兩件鵝肝都幾出手闊綽，鵝肝味道甘香油潤，正常水準，牛肉漢堡厚身，口感Juicy牛肉味濃有焦香味，幾美味!焦糖洋蔥香口，配上清新的沙律菜中和油膩感，不俗。
Big Boss配薯寶，$108。
有黑松露醬、3層4oz牛肉、太陽蛋及煙肉，份量十分豐富，同冇菜嘅，真係好啱食肉獸，牛肉漢堡一樣好味，但好飽，薯寶外脆內軟好味，粗薯條都香脆。
食物味道不俗，都幾抵食。
屯門欣寶路8號NOVO WALK地下8號舖
沒有留言:
張貼留言