班蘭葉印尼餐廳

 
假日前夕，放工約了友人食飯，今次去班蘭葉印尼餐廳，之前成日已好想試下，趁今次可去一轉。

門面好似只係一間小賣店，但其實係餐廳來，內堂細積小但有種自在的感覺，裝潢以木系為主調，草叢的佈置有著自然之感。

餐牌，食物都幾多選擇，最想食係班蘭千層糕。

班蘭珍多冰，$28，店員提議要少冰少甜較好，清新的椰香，班蘭粉條爽滑味道清香，少甜之下甜度適中。

班蘭雞飯，$78，友人1的，雞肉份量十足，配埋清雞湯。

啦斯啦媽班蘭飯，$88。

有炸雞、炸蛋、炸豆腐、花生魚仔乾、青瓜、蕃茄及叄巴辣醬，份量豐富，淡綠色的班蘭飯，山丘的形狀，感覺精美，飯粒口感香軟，有班蘭的香氣同時有淡淡的椰香味，炸雞有數件，睇落比較細件味同乾但味道正常，炸豆腐好大件，有花生魚仔乾好惹味，店員建議叄巴辣醬加上甜鼓油味道會冇咁辣，試了少許都係好辣~但食得辣應該幾好味。

羊肉沙嗲(半打)，$118。

羊肉香味惹味，配上沙嗲醬更美味。

班蘭千層糕(三件)，$25，千層糕口感香軟，班蘭味濃郁好有椰香味，必食。

因為臨近新年，店員請食黃金糕，讚!

食物味道不俗，價格合理同免加一，服務態度有禮又親切，店員(懷疑係老闆娘來仲有幾靚女)主動介紹食物的特色同點食，下次有機再食。

銅鑼灣糖街1-5號銅鑼灣商業大廈地下B2號舖