Yamm

 
12月時清假平日同友人去食Lunch buffet，Klook優惠買一送一，平均每位大約$300，用餐時間12:00-14:30，都幾抵食。

準時去到，平日之下都唔少人呢，餐廳面積中等，裝潢華麗，坐的是梳化椅，位子闊落十分舒適。

即去睇下自助吧有咩食。


第一轉即拎生蠔，因太耐冇食了~法國生蠔，好瘦，但味道尚算鮮甜。

!焗龍蝦配芝士忌廉汁，焗龍蝦肉味道鮮香肉質彈牙，好味!要食多轉!
冷盤，長腳蟹多肉鮮甜，龍蝦蚶正常。

皇牌叉燒，據聞呢到嘅叉燒係世一必食，叉燒肥瘦適中，肉質鬆化又甘香，果然係正呢。

北京片皮鴨，餅皮厚薄適中，片皮鴨口感香脆油潤幾好味。

刺身，帶子、三文魚、吞拿魚，刺身尚算新鮮，正常水準。

碧綠蠔皇鮑魚花膠鴨掌，珍貴食材份量十足，鮑魚彈牙，花膠大片口感爽口，鴨掌夠腍身入味，不俗。

羊鞍，肉質軟嫩，冇乜羶味幾惹味。

海南雞肉質滑，燒蝦香口。

甜品，唔算好多款，比較遜色，適逢聖誕有聖誕造型的甜品，聖誕麵包幾好味，其他甜品味道普通。

食物味道不俗，都幾抵食，服務幾好同環境幾靚坐得舒適，下次有幾再食。

尖沙咀彌敦道118-130號美麗華廣場2期 The Mira Hong Kong 地下大堂