利安咖啡屋

 
聖誕去澳門行下食野，今次Lunch揀左利安咖啡屋，一樣都係為左食乳豬而來。

去到餐廳，唔算太多人即有位。
餐廳面積中等，有種西式復古之感，適逢聖誕有應節的佈置。

餐牌，我們4人，節日應下節食多點，要了4人餐+燒乳豬。

利安特式燒乳豬，$298，賣杷都幾靚仔，燒乳豬切得都幾大件，外皮脆口，肉質鹹香但口感較韌。

家庭優惠套餐(4位用) MOP$888:

餐包，都幾好味。

是日餐湯，鮮牛肉茶，好少可見到好奇一試，味道有點似中湯。

小食拼盆，有馬介休球、燒葡國腸及釀蝦多士，馬介休球外脆內軟味道鹹香，釀蝦多士口感鬆脆，蝦膠彈牙有鮮味，燒葡國腸好薄身少鹹。

油醋青菜沙律，沙律菜爽脆清新，酸酸地幾開胃。

葡式辣炒蜆，蜆肉尚算飽滿，個汁清清地少許辣。

芥香焗羊鞍，羊鞍肉質鮮嫩，味道香口少許羶味，大片薯仔都好味。

咖喱牛腩，有白飯伴食，咖喱味道濃郁唔算好辣，牛腩份量較少同肉質韌。

忌廉芝士焗薯，份量十足的忌廉芝士，香口濃郁，內裡係一片片的薯仔味道好夾。

葡式焗鱸魚，有大量洋蔥及伴菜蓋面，鱸魚肉質滑，但味道一般。

木糠布甸，味道好似普通Cream加上木糠少冇乜味。

食物味道普通，價格合理同服務幾好。

氹仔舊城區地堡街79號泉福新邨第二期偉大閣第三座地下Q座