放工約了友人在尖沙咀食飯，諗諗下好耐冇食過西餐，上網見到介紹呢間餐廳食物都幾正，位於H8地段十分方便，一於去食餐好。
餐廳裝潢簡約有格調，暖色的燈光感覺好warm，而且幾有氣氛，坐的是梳化椅感覺舒適。
餐牌，食物都幾多選擇，揀左幾道人氣菜式。
夏日新鮮水果茶，$46，清新的果香味，內有粒粒水果。
西瓜乳酸梳打，$42，友人的，試了點，好消暑。
餐前麵包，十分豐盛，當中牛角包最為吸引，微熱酥脆香牛油味，不俗!
自家製咸豬手凍沙律伴話梅芥末汁，$128，咸豬手外皮爽彈肉質鹹香，沙律菜新鮮爽脆，配上話梅的酸鹹味及微微的芥末調味更清新醒胃。
傳統法式生牛肉他他，$148。
，好奇一試，將蛋黃同生牛肉混和再配合多士進食，牛肉他他口感爽滑富肉味，略帶點似酸瓜的味道，配上脆口的多士增添口感。
美國USDA頂級西冷扒(80z)，$318。
USDA有保證，要了5成熟，上菜時已聞到好香，西冷扒外層烤得焦香，肉質鮮嫩細膩，牛肉味十分濃郁，美味!伴菜亦烤得香口。
牛肝菌、露荀意大利飯，$208，意大利飯軟硬度適中，口感creamy，每啖都食到牛肝菌的香氣，味道濃郁好滿足。
朱古力心太軟伴雲尼拿雪糕，$78。
賣相吸引，切開心太軟，內餡流心朱古力漿澎湃的湧出，黑朱古力味濃郁，朱古力蛋糕微熱，口感外脆內軟，伴上雲尼拿雪糕食一冷一熱的冰火口感有層次，美味。
朱古力香蕉金寶，$68，微熱，面層脆脆粒酥脆，內裡熱騰騰的朱古力香蕉軟諗香甜，好食。
食物味道有水準，特別係西冷扒及心太軟最美味，環境坐得舒適，服務態度幾好有禮貌，價格合理，滿足的一餐。
尖沙咀厚福街8號H8 9樓
睇落食物同環境都唔錯，H8真係好方便^^
回覆刪除