Gali

聖誕佳節去邊食都貴同full晒，但又想出去食諗諗下不如去工廈，應該唔會太貴卦😂，友人推介去一間由印度人開嘅餐廳，當然就係食咖喱，但主打唔係正宗，而係迎合香港人口味的咖喱，見幾多好評即去一轉。

下午去到冇乜人，餐廳裝潢簡約，土耳其吊燈及牆上的照片帶點特色，坐的是梳化椅感覺舒適。

電子落單，有奶油咖哩、香料咖哩及黑扁豆咖哩等，據聞奶油咖哩好正即揀了。

芒果乳酪，跟餐+$13，口感濃稠，味道酸酸甜甜有果香，太正了!

奶油咖哩軟殼蟹，$75。

然有得配軟殼蟹，咖哩份量頗多，味道濃郁，唔太辣，溫和口味，唔會好重香料味，配上烤餅食更美味。

+$15蒜蓉烤餅(6片)，蒜蓉烤餅，味道香口，口感煙韌，不俗。

奶油咖哩雞，$68，友人的。

奶油烤餅(6片)，比較大片，口感比感乾爽，味道更香口，幾美味。

食物味道不俗，都幾抵食，芒果乳酪必飲，服務態度幾好，感覺輕鬆，有下次呢。

觀塘駿業里6號富利工業大廈14樓B號舖