雅廊咖啡室

聖誕連續幾日假期係時候拆餐勁，友人見到KKday做梗富豪九龍酒店自助餐優惠，Lunch Buffet(12:00-14:30)成人每位$263(計埋加一)都幾抵食，正日好快已經full晒，book到23/12，Thanks友人呢~!

準時去到，內堂面積頗大，裝潢簡約，木系枱椅，感覺有點似Canteen，適逢聖誕時節有少少佈置。

冷盤，有蜆、蝦、螺及青口等。

有火雞同牛扒。

熱盤，竟然有焗豬扒飯，仲要加隻太陽蛋。

有蠔仔粥。

麵包及湯，見到有肉骨茶。

刺身。

沙律及印度咖哩。

甜品。

有Mövenpick。

飲品有凍蘋果茶、咖啡及紅茶等。

支裝汽水，$20。

好眼熟的餐紙，同係富豪國際酒店集團so又出現(上次去麗豪)。

第一轉來個刺身，唔算話好新鮮，味道普通，三文魚好點。

蜆、蝦、螺及青口，味道一般，加上當日天氣凍，對冷盤興趣不大。
牛扒肉質軟嫩味道幾好，火雞有點韌。

印度咖哩及飯，咖哩濃郁唔算好辣，印度香飯香味十足。

伊麵正常水準。

蠔仔粥，白粥加粒蠔，味通普通冇乜鮮味。

肉骨茶，味道濃郁不俗，加上當日好凍，飲左好暖身舒服，即刻有少少想瞓覺wwww。

蒸蛋冇味。

甜品，選擇上唔算好多，蛋糕上有聖誕朱古力裝飾作點綴應下節，，開心果雲呢拿蛋糕，開心果味都幾突出不俗，Opero cake 朱古力味濃郁口感有層次幾好味，Tiramisu正常水準，栗子蛋糕都不俗，其他就味道普通。

食左好多野，野下飯後果及沙律先。

大約1點多會有巨型火焰雪山表演，引來不少客人觀看及排隊拎蛋糕，每人細細件雪糕蛋糕過下口癮，有少許懷舊之感。

Mövenpick雪糕，試了藍莓芝士蛋糕味及椰子味，藍莓芝士蛋糕唔算好甜都幾好味呢。

食物唔算太多選擇，味道正常水準，甜品比較好，環境、服務態度都OK，二百幾蚊食個Lunch Buffet都幾抵，下次睇下做有冇做其他優惠先。

尖沙咀麼地道71號富豪九龍酒店地庫1樓