大呷台灣 (中環)

 

展覽後行行下到中環，順便提早食晚飯，經過大呷台灣，見餐牌食物多元化，價格又合理，友人幫襯過話ok，仲要有85折(限時優惠)，一於試下。

裝潢幾特別，色彩好鮮艷，感覺有點似茶記。

餐牌，都幾多選擇，我地二人唔太肚餓，,要了一個套餐及小食開心些牙。

古早仙草奶茶，跟餐+$8，友人的。

玫瑰柚子茶(熱)，$28，甜度恰好，淡淡的玫瑰香氣，正常水準。

大呷小籠包(4隻)，$38，呢個價都幾抵，小籠包形狀不一賣相一般，熱騰騰，皮厚薄適中，湯汁唔算好多，味道普通。

台灣蒜泥鹽水鴨配蔥油乾拌麵跟上湯套餐，$78，份量頗多，蔥油乾拌麵口感煙韌，味道香口，跟埋上湯食落唔會咁乾。

蒜泥鹽水鴨，肉質腍身，味道濃郁惹味。

跟餐小食-甜不辣，口感彈牙。

食物正常水準，都幾抵食。

中環威靈頓街112-114號新威大廈地下A號舖