2020年7月5日 星期日

桔梗

放工約了友人到旺角食飯,終於去到台灣人氣過江龍文青店-桔梗!thank 友人book位。








餐廳位於旺角方便就腳,三層獨立舖,係香港地來講實在係罕見的大,堂內樓底高甚有空間感,裝橫以白色為主調,簡約的設計,木系枱椅,擺放了花草及書籍,感覺舒適。



我們坐二樓,搶眼的霓虹及波枱,位子比較少,更relax ,三樓是天台,不過我無上去參觀。

自助斟水及取餐具。







餐牌,人氣之選燉飯及奶昔,一於試下。

落樓下先付款後上食物。

桔梗奶昔,$58,粉紅色的賣相,面層有忌廉、玫瑰花瓣碎及消化餅等作點綴,奶昔以香蕉及士多啤梨而成,香蕉味突出,香甜味道,不俗呢。

干貝奶油翠瓜燉飯,$178,帶子有5粒都幾多,燉飯份量較少,帶子煎得香口,肉質滑嫩鮮甜,翠瓜燉飯味道清甜,配合溫泉蛋口感creamy,幾好味呢。

軟殼蟹小漢堡,$168。

賣相好可愛,小漢堡真係好似有蟹爪咁,份量十足的軟殼蟹,漢堡包好厚身,少甜的味道,口感有點似蛋糕,軟殼蟹酥脆香口夠鮮味,炸魚味道正常水準。

環境舒適,食物不俗,支持良心小店。

旺角砵蘭街160號地下至2樓








沒有留言:

張貼留言