Bakehouse

Bakehouse，係灣仔之友都會聽過下呢間，由前四季餅廚Greg創辦的烘焙工房咖啡店，出名酸種牛角包及蛋撻，兩款都好吸引，一直都好想買個試下做早餐，但成日太趕時間冇去到，趁今日早返工順便去買先。

啡紅磚牆的店子，樓高兩層，內堂寬敞，但今次無入去食，只係外賣麵包，留待下次假日先來嘆。

Menu。

麵包有好多選擇，不過既然以牛角包及葡撻出名，又想食甜，今次一於試下蛋撻。

Sourdough egg tart，$12。

新鮮出爐的蛋撻，賣相有別於一般蛋撻，似葡撻，撻皮層次分明，入口酥脆鬆化，牛油味重，蛋漿餡口感嫩滑，有濃厚的焦糖味及蛋香味，似食焦糖燉蛋的香甜，果然美味。

名不虛傳，下次試埋牛角包先。

見簡介總廚為酸種取名叫Roger，感覺對麵包滿足心思同感情，最真實的味道，同埋有同老字號餅店交流，打破局限有創意呢。

灣仔大王東街14號地舖