Haven

久違了的飯聚，5月友人生日飯，真係太耐冇見了~梗係搵間好野食，方便之下相約灣仔，揀了Haven，返工有時都會經過此店，主打法式家庭菜，見門面幾靚，食物幾吸引，已想試好耐，得知係黃店更加必食~book了2位7:30。

店子有兩層，裝潢像小木屋，有家的感覺，暖色的燈光，感覺好warm，木架上擺放了不少懷舊的物品及唱片，不禁係餐廳走轉欣賞一下。

Menu，有不少選擇，揀了2個Dinner Set，$380。

蘑菇忌廉湯，味道濃郁，不俗。

青咖喱牛油帶子，好大粒帶子，好吸引，帶子質地嫩軟，有鮮香味，幾好味。

 照燒乳鴿胸伴甜洋蔥，賣相精緻。

乳鴿胸肉質鬆軟柔潤，肉味濃郁又多汁，薯蓉香滑，好美味呀。

美國安格斯肉眼牛扒(8安士)。

份量十足的牛扒，要了5成熟，肉質軟嫩不失嚼勁，牛肉味濃，好味。

朱古力蛋糕，黑朱古力味濃郁，質感濕潤，有少許似brownie。

拿破崙，酥皮脆口鬆化，吉士甜而不膩。

食物有水準，環境舒適，店員十分親切，下次有機再食呢。

灣仔麥加力歌街17號地下