2020年5月30日 星期六

Doux

久違了的每月一餐,成4個月冇見,加上友人生日飯,梗係食好野,友人推介Doux,甜品及菜式都好吸引,仲要係告急黃店(見fb講做到5月30日>_<)必要去支持下,book了5位食晚餐,thank友人book位。





餐廳裝潢型格,特大玻璃窗可欣賞風景,我地5人坐最入,玻璃窗邊位,感覺更寫意自在。



























Menu,要了3個Dinner Set,2個單點及2個甜品。

星空特飲,$58,粉藍色似天空,但係冇左星星....波子汽水味,內有爆爆珠。

Dinner Set-餐湯,南瓜忌廉湯,口感稠身,味道濃郁。

Dinner Set-沙律,賣相美觀,有紅菜頭、蘋果、薯仔等,味道清新。

小食拼盤,$148,炸芝士、薯條、炸蝦及炸雞塊等,味道正常水準。

鵝肝法蔥意大利飯,$208,似乎是招牌菜之一,鵝肝大件,味道甘香,意大利飯口感creamy。

Dinner Set-香煎澳洲安格斯西冷牛扒伴法式鵝肝,$328,口感軟嫩,但牛肉味唔算太濃,鵝肝香口。

Dinner Set-西班牙黑毛豬配蘋果燒汁,$308,肉質鬆化,醬汁酸甜幾開胃。

Dinner Set-輕煎北海道帶子·溫泉蛋野菌黑松露長通粉,$278,帶子口感軟嫩味鮮香,有好多醬汁,長通粉煙韌,不俗呢。

Berry's,$108,甜品太受歡迎了,好多人款都售罄,要了Berry's,餐牌係士多啤梨造型,實物似係蘿蔔造型,賣相都幾可愛,內餡係white cheese mousse,口感柔軟,味道微酸,配上野草莓冰沙,都幾清甜。

Lava,$98,甚有藝術感的甜品,朱古力味道濃郁,泰式奶茶雪糕有茶香味唔太甜,幾美味呢。

熟食正常水準,甜品十分精緻,支持小店,期待東山再起。

旺角彌敦道726號18樓




沒有留言:

張貼留言