13 Thirteen

每日返工都會諗食咩早餐，search之下見到呢間黃店既蛋治好吸引，即試下了～！

據聞早上會好多人排，決定返到公司大約10點到鼠出來買，因為過了返工時段唔太多人排，不過見到好多訂單。

見Menu好多蛋治都好吸引，除了蛋治仲有漢堡及牛角包等其他選擇，一於叫個芝蛋試下，＋＄6有埋飲品，必加了。

芝士炒蛋烘底治，$20。

麵包烘底脆脆地幾好味，好厚身的炒蛋，炒蛋滑有蛋香，再配合半溶的芝士好滋味。

熱咖啡﹐跟餐＋＄6，好醒神。

食個好味的早餐，人都精神開心點，支持小店。

灣仔柯布連道9-13號建利大廈地下13號舖