2019年2月24日 星期日

J.S. FOODIES

風靡一時的梳乎厘班戟,每當有日本名氣班戟店進駐香港,都會引來長長的人龍,呢間過江龍亦唔例外,J.S.FOODIES,由日本時裝品牌JOURNAL STANDARD開設的餐廳,旗下還有FLIPPER'S,都是極具人氣的店子。
新開張時大排長龍,以為過一排少人左,太天真,一樣唔少人,似乎梳乎厘班戟熱潮仍未減退,定係已悄悄地融入其中。




店子位於i.t blue block內,平時的7點多,已有人排隊,大約30分鐘入坐,餐廳裝潢以木系主調,感覺簡約柔和。





餐牌,除了招牌的班戟,還有漢堡及意粉等都好吸引,揀了一個意粉及班戟。



VIRGIN MOJITO,$32,無酒精的MOJITO,青檸薄荷,味道清新,透心涼呀。

GREEN TEA LATTE,$36,友人的,好靚的拉花。

明太子醬海膽意粉,$198,海膽及三文魚籽份量適中,味道鮮甜,幼身的意粉軟硬恰好,加上豐富的明太子醬汁,每一啖充滿醬汁,好creamy又美味。

原味班戟,$99。

因同屬一個集團,這裡都有FLIPPER'S的招牌梳乎班戟供應,雖然食過但仍然想再食,班戟質感十分鬆軟有空氣感,蛋味濃郁,甜度適中,配上軟滑的cream更好味呀。

食物有水準,服務態度友善,坐得尚算舒服,有機再戰呀。

九龍塘達之路80號又一城LG2樓30號舖i.t blue block




2 則留言: