2019年2月3日 星期日

Dr. Panini de Home-made Kitchen

又是每月一餐的時候,同時都係一月之星生日飯,今次食飯的餐廳,是以前都去過的Dr.Panini,還記得出名的芝士火鍋好正~令人回味。
好幾年沒幫襯,已轉了新地址,唔知轉新店後水準又如何呢?一如以往,來呢到食最好BOOK左位先,因為好常爆場,似乎幾受歡迎。


小小的店子,位子不太多,但位子空間寬敞舒適,而且人少不太嘈雜,酒櫃入牆,展示了不少美酒,還掛有餐牌,用盡每一個空間,但感覺不密集,一些小佈置,感覺有心思,昏暗的環境,柔和光線下,感覺有氣氛,心情更放鬆。



芝士火鍋,要一天前預約。

Menu,來得呢到,芝士火鍋必食,除了芝士火鍋,食物都有好多選擇,咩都想食呀。



















黃金雜錦法國芝士火鍋,$350。



有麵包粒、菠蘿、蘋果、西蘭花、春卷、薯角、魚柳、煙鴨胸及腸等,材料豐富。

芝士味道濃郁,質感稠身,微熱,份量恰好,配麵包粒是王道,菠蘿清新,蘋果爽口,比較另類的配料魚肉、煙鴨胸及春卷,魚肉口感鬆軟,配上芝士效果不俗,煙鴨胸,鹹香有嚼勁,配芝士呢個組合難得唔算太漏。

法式龍蝦湯,$45,轉酥皮湯+$10,好耐冇飲酥皮湯了。

唔好以為好細碗,份量都幾多,先試了香脆的酥皮,有千層的口感,再沾湯食更滋味,龍蝦湯味道濃郁,鮮香味十足,果然好味呀。

法式洋蔥湯,$50,友人的,好奇試了點,有濃濃的洋蔥香味,少許甜,不俗呀。

阿拉斯加蟹肉白菌湯,友人的。

松露鮮白菌阿拉斯加蟹肉沙律,$200,蟹肉份量適中,味道鮮甜,松露鮮白菌薄片,有獨特的芳香,配搭新鮮的沙律菜,清新又美味。

配沙律的黑醋及橄欖油。

法國布列塔尼海盜批,$280。

香蒜牛油焗生蠔脆薯蓉,薯蓉軟滑美味,內有6大隻生蠔,生蠔肥美,嫩滑鮮甜,好味道呀。

法國牛肝菌紅酒汁意粉,$180,紅酒汁意粉,味道微酸,少許酒味,配合了牛肝菌香氣,味道不俗呀。

thank友人的驚喜~大家開心share^0^~~~~~~!

有3件蛋糕,辣椒朱古力蛋糕、梨撻、紅絲絨蛋糕及Movenpick雪糕,當中辣椒朱古力蛋糕最有特色,濃郁的朱古力味,口感軟滑,後勁辣,好味,梨撻鬆化香甜,鮮豔的紅絲絨蛋糕,都不俗呀。

芝士火鍋同以前一樣咁好味,食物有水準,環境舒適,服務態度親切,下次有機再戰呀。

大角咀富貴街18號地舖












沒有留言:

張貼留言