Zenon Café

放工約了友人到中環食飯，上網睇下中環有咩食，見到呢間Zenon Café，以髮廊x咖啡室為主題的店，頗有特色，看到all day breakfast幾吸引，一於晚上食早餐，見用openrice訂座可有7折優惠，有著數之下用了。

招牌正裝修中，見到個banner有店名便入去了。

裝潢是懷舊復古的設計，店子是咖啡室之餘，晚上更會變成酒吧，平日的7點來到，冇乜人，入夜後漸多人。

餐牌，有all day breakfast、美式輕食、咖啡特飲及甜品等。

Cappuccino，跟餐+$30，入口綿密順滑，咖啡味香濃，味道不俗呀。

Cappuccino，跟餐+$30，友人的。

Around the world (for 2 persons)，$268，有芝士腸、煙鴨胸、煙肉、煙三文魚、多士、蛋及雜菜沙律，份量十足，材料豐富，兩個女子開心share一定夠飽，芝士腸外皮脆，有濃郁的芝士味，煙鴨胸大件，口感有嚼勁，鹹香惹味，多士香脆，煙三文魚香口鲜嫩，蛋各要一款，太陽蛋，滿滿的蛋汁好味，炒蛋有口感滑，雜菜沙律配上沙律芝麻醬，味道十分清新開胃，中和了油膩。

士多啤梨窩夫，+$10可張多士升級轉窩夫，微熱的窩夫，外脆內軟，配上香甜的cream及士多啤梨更好味呀。

7折後好抵食呀。

食物味道不俗，價格合理，有折之後好抵食，環境氣氛幾好，坐得舒服感覺relax，服務態度有禮貌又nice，下次再戰呀。

中環威靈頓街86號地舖