9月之星生日飯，今次係返灣仔食，友人推介了一間居酒屋，用openrice訂座消費滿$350送一支300ml清酒，必訂座了，訂了3位，大家都係同事，準時放工一齊即去了。
平日的7點去到，冇乜人，餐廳內堂寬敞，裝潢以木系為主調，牆上木架擺放了多款日本酒樽，有梳化位置，感覺好似幾舒服呀。
叫了幾款日本料理開心share。
松葉蟹肉蟹籽飯，$78，松葉蟹肉份量多，味道鮮甜，配上蟹籽飯更提鮮，幾好味呀。
灼燒鰻魚飯丼，$68，人氣之選，必食，好大件鰻魚，十分肥美，口感豐厚，淋上鰻魚汁，味道更香口好味呀。
鰻魚厚燒玉子燒，$68，鰻魚好味，玉子燒有蛋香，味道不俗，美中不足的是不夠滑。
唐揚炸雞軟骨，$38，份量頗多，口感酥脆，炸得乾身不油膩，有咬口唔太硬，佐酒一流呀。
酥炸軟殼蟹，$58，入口十分香口鬆脆，鮮味濃郁，幾好味呀。
清酒，友人不喝酒，點了一杯飲品，剛好消費滿了$350，可送清酒呢，大家邊食邊吹水，爽呀。
傳聞中的貓貓出巡了。
友人影的近照。
兩隻都好可愛呀。
食物有水準，價格合理，坐得舒服，仲要有貓相伴，服務態度好上菜又快，今次冇食到串燒，有機再來要試呀。
灣仔安樂里地下D舖
沒有留言:
張貼留言