Café 100 by The Ritz-Carlton

天際100，雖然生日可以免費入場，但從未去過，得知天際100裡的Café 100有afternoon Tea，即想到此一hea(估唔到因為咁而來@0@)，上網有得訂套票:afternoon Tea set +門票(2人)$598，個價都尚算合理。

走進時光隧道。

到了sky100。

即衝去睇景，何其壯觀，但不能欣賞住，因時間既關係，我們要去餐廳先。

一路向西，名副其實的西餐廳，在西面的餐廳，但職員們絕非西面，仲要好友善，我們2人想坐窗邊位，佢大方咁答應左，實在太好人了。

因為訂了套票，即去換Tea set。

呢到除了Tea，仲有其他野食。

向西似乎唔係無解，因西邊可欣賞日落的景致，而且有註明了日落的時間（這天19:05），不過afternoon tea 時間：14:30-17:00，要欣賞日落，我諗要食其他野先得了。

坐窗邊的位置。

同陽光玩遊戲。

Café 100 sky100 high afternoon tea set

常說不要攪錯afternoon tea 同high tea 之說，但今次真係high tea了（屈？），居高臨下，欣賞美景兼嘆Tea，好寫意呀。

Café 100 sky100 high afternoon tea set（for 2)

三層架的造型是仿照sky100，十分有心思，呢個時候，相機食先，齊來做影后。

有3款鹹點，5款甜點，鬆餅。

咖啡。

鴨肉醬牛油麵包。

少許鴨肉醬，牛油麵包味道甜，味道普通。

蕃茄乾芝士忌廉盧根包，蕃茄芝士味道濃郁，味道不俗。

煙三文魚檸檬芝士牛角酥，比較吝嗇，得半份，鹹香的煙三文魚，配檸檬芝士，味道清新。

蜜糖紅桑子蛋糕，小cupcakes，味道普通。

椰子芒果撻，椰子味道香甜，配上芒果，幾好味呀。

朱古力草莓杯，一片長方形，像壓扁了的草莓，味道好酸，中和了朱古力的甜。

柚子芝士蛋糕，有清香的柚子味，口感軟滑，味道不俗。

英式鬆餅配牛油忌廉及士多啤梨醬，鬆餅口感鬆化，微甜，有牛油味，味道幾好呀。

食物味道不俗，好明顯主點係食景，Tea後周圍參觀下，影下相，不俗的節目呀。

尖沙咀柯士甸道西1號環球貿易廣場(ICC)100樓天際100香港觀景台