龍悅

星期日約了親戚飲茶，到了親戚經常提起的到龍悅，據聞食物味道不俗同平日下午茶優惠好抵食，可惜我們平日都要返工享用唔到此優惠，只好係紅日來試下了。

餐牌及點心紙，都有紅日優惠。

茗茶每位$12。

點心拼盤，$59，有叉燒包，蟹籽燒賣皇、鮮蝦餃皇、潮州蒸粉果及養顏紅棗糕，每款2件，共有10件，都幾抵食，有包有點心有甜點，燒賣同蝦餃比較細粒，味道正常，叉燒包餡料適中，味道普通，紅棗糕憶較大件，口感軟糯又煙韌，有紅棗味又不太甜，味道不俗。

京城小籠包(大)，$23.8，賣相一般，比較細粒，外皮較厚，湯汁太少，味道一般。

鮑魚海蝦燒賣(特)，$29.8，有鮑魚，感覺豪氣的燒賣（雖然而加好多酒樓都有），鮑魚尚算入味口感彈牙，海蝦爽口，味道不俗呀。

鮑汁鮮竹卷(大)，$23.8，味道正常水準。

蜆芥鯪魚球，$32，有6件，好大粒，入口微脆爽彈，但冇乜鮮味，唔太好食，要靠蜆芥醬伴食才有味道呀。

芝麻綠茶餅(小)，$15.8，是親戚推介的甜點，外層是綠茶餅，口感酥脆，淡綠茶味，內餡是芋頭蓉，唔太甜膩，幾好味呀。

食物正常水準，紅日價格比較貴，平日下午茶就好平，服務態度幾好，但上菜比較慢，坐得都幾舒服呀。

大埔安埔路12號富善商場3樓301號舖

午餐之後去行下，好藍的天，同時又好熱呀。