The Pantry

同事生日飯，今次不在港島一帶食了，轉戰Elements，3人上網搵到有間餐廳食物幾吸引，仲要有梳乎厘pancake食，原來就係之前友人推介的餐廳，想試好耐，因我們沒有book位，放工後極速去了。

平日的晚上，約7:00多，不太多人，但8:00後就開始越來越多人了，餐廳面積頗大，有空間感，坐得幾舒適，見有寬敞的長梳化椅，適合大夥人，層架上擺放了不少盆栽，有田園之感。

點餐用平板，好方便呀。

四色芝士薄餅，$170，薄餅入口香脆，咬落煙韌，cream cheese 味道濃郁又軟滑，芝士份量多，連批邊都有芝士，好豐富又美味呀。

芝士牛小排肉卷配牛油果醬配酸忌廉 & 芒果莎莎，$105。

看來是人氣之選，烤餅外焦裡嫩，口感酥軟，內餡是芝士、鬆化的烤牛肉及沙律菜，口感豐富，味道香口又不失清新，配上牛油果醬及酸忌廉更滋味。

魷魚pommery芥末忌廉汁墨魚麵配蕃茄莎莎，$155，魷魚份量不少，因為唔係用墨汁，唔洗食到變烏咀狗，pommery芥末忌廉汁，淡淡的芥末味，芥子碎粒更有咬口，墨魚麵幼滑，幾好味呀。

The pantry's pancakes，$125，ricotta厚班戟，焦糖牛油 & 雜莓，好吸引的賣相，厚身鬆軟的梳乎厘pancake ，口感軟綿有空氣感，微微的甜香，好味呀，配上軟滑淡淡奶香的ricotta cheese更滿足呀。

食物有水準，鹹點及甜點都出色，環境不俗坐得幾舒服，價格合理，服務態度幾好，下次再食呀。

尖沙咀柯士甸道西1號圓方(Elements) 2樓2133號舖