Café ÉPURE

連續3日假期，相約了友人到ÉPURE high tea ，米芝蓮一星餐廳，好有興趣試下，因為冇得book位，要預準一點時間去，約3:00去到，唔太多人﹐太好了。

餐廳裝潢華麗，牆壁上有手繪畫作，感覺優雅貴氣，從玻璃窗外透入來的自然光，有種relax之感。

有露天位置，不過天氣太熱，大家都揀了室內。

menu。

法國名牌的餐具，精緻美觀。

DALLOYAU Earl Grey 伯爵茶，清新甘香。

可沖奶茶了。

Spring afternoon tea，$536  for 2。

5款鹹點，6款甜點。

傳統及香橙英式鬆餅 ，傳統鬆餅，口感鬆化，微甜，配上果醬更好味。

香橙英式鬆餅，有粒粒的乾，好有橙味，配軟滑的酸忌廉味道不俗呀。

法國鴨肝三文治，外觀好似甜點，上層有小紅莓作點綴，有層鵝肝醬，但食唔到有鴨肝味。

鮮龍蝦黑松露軟包，用水蘿蔔製成的玫瑰，賣相十分精緻，入口有黑松露香氣，少許龍蝦肉爽口鮮甜，幾好味呀。

煙三文魚芝士三文治，每次嘆tea，總覺得煙三文魚十分常見，煙三文魚鹹味不重，芝士軟滑，有淡淡的奶香，味道不俗。

法式鴨腿肉層批，賣相似歌劇院蛋糕，上層是油封鴨肉，底層是酥皮，口感有層次，味道鹹香油潤，十分豐富美味的鹹點。

經典烤芝士火腿三文治，面層是金黃色，口感香脆，芝士奶味較重，配火腿至合拍。

玫瑰歌劇院蛋糕，粉紅色的外觀十分吸引，面層有金箔作點綴，有玫瑰的香味，海綿蛋糕口感柔軟濕潤，不太甜膩，味道不俗。

黑朱古力撻，蝴蝶造型的朱古力十分漂亮，70%黑朱古力，味道甘甘苦苦，撻底鬆化，味道不俗。

紅桑子泡芙，味道酸酸地，味道普通。

開心果車厘子奶凍，淡淡的開心果味，車厘子味偏酸。

精選馬卡龍，有兩個不同口味的馬卡龍，柚子味十分清香，另一款似糖果，好甜。

環境舒適，食物味道不俗，茶點精緻，服務態度幾好，下次可再去呀。

尖沙咀廣東道3-27號海港城海洋中心4樓403號舖