御前大江戶日式料理

又是每月一餐是時候，今次轉戰觀塘的放題，友人推介御前大江戶日式料理，賣點是日式磯燒放題，既有磯燒水產，又有刺身壽司，一次過滿足了。

訂了5位，8:15，每位$248，因真的太多人幫襯，準時到達都要排隊等位，不過食到11:00，仲有時間，排一陣子都好快有位呀。

店子環境甚大，空間感十足，設計上充滿日本風情，而且氣氛熱鬧，感覺不俗。

飲品、雪糕甜品，還有一些小食都是自助式的。

飲品有不少款式，還有中湯及涼茶。

雪糕，都是多款。

甜點。

枱上已放置爐具，旁邊有燒烤的用品:稀釋的清酒、鹽、七味粉及醬油等。

!!!!!!!!

攪鬼的濕紙巾。

用tablet點食物，以放題來計堅方便得多，唔洗成日叫人來，又唔洗浪費紙張。

水果氣酒，慢慢嘆呀。

先來個磯燒，海蝦、帆立貝。

燒烤中海鮮，自己有得玩，即燒即食有風味，海蝦大隻，且鮮香味撲鼻，幾好味!帆立貝細粒，味道普通。

再來個沙白蜆、番薯貝及青口。

番薯貝肥美幾好味呀。

刺身，多數第一盤刺身都是特別精美有棵花作陪襯，有三文魚、北海道帶子及劍魚腩，三文魚厚身肥美，帶子鮮甜，劍魚腩肉質鮮嫰。

牡丹水晶蝦，好大件，爽口又鮮甜，好味!追加了帶子。

飲碗湯先。

涼拌。

鹽燒豬頸肉，味道普通。

相思雙皮奶，係炸雙皮奶，類似炸鮮奶，外脆內軟，味道微甜。

黑椒台灣一口腸，香口惹味呀。

鐵板牛肉薄燒，好惹味呀。

免治雞肉棒，好大件，入口鬆化，免治雞肉香口，味道不俗呀。

芝士藍青口，好豐富的芝士，味道尚算濃郁，有好多青口，有芝士配合之下味道不俗。

鹽燒牛舌，夠惹味呀。

北海道牛乳魚頭鍋，內有魚肉，牛乳魚頭鍋鮮甜好味呀。

芝士龍蝦伊麵，好奇想試下，好在係小碗，龍蝦似乎只是蝦頭，芝士不算多，味道一般。

蟹粥，蟹味不太濃，有少許蟹肉食下呀。

牛肉鍋，湯底濃郁，有少許甜，肥牛份量不少，幾好味呀。

榴槤炸彈。

必要試下，口感外脆內軟，入面是有少許榴槤肉呢。

係時候食下水果，好清爽呀，同食少許食點。

食Melona雪條，果香味濃，幾好味呀。

食物選擇十分多款，味道不俗，刺身夠新鮮，難得飲品及雪糕類都多款，加一約$272，真係幾抵食呀。

放題分了好多時段及不同價格，我們用餐的時段:

星期日至四，2.5小時自選時段，成人$248，小童$148。

觀塘觀塘道414號1亞太中心8樓

THANK手信呀~!