2017年12月25日 星期一

四季文昌

又是每月一餐的時候,天氣咁凍最好去打邊爐,揀了四季文昌,主打海南椰子雞煲,位置在太子,大家又就腳,book了4人8:00。




餐牌,見到有個4人套餐,好岩我地呀。



裝潢走Loft工業風格,水泥牆上掛有齒輪裝飾品,鐵藝實木展架上擺放了舊書籍及小擺設,帶有復古型格之感,內堂高大寬敞,甚有空間感,也具有流通性,冇咁侷促呀。

餐枱紙有海南文昌雞的介紹。

有紙巾提供。



MENU,要了特級椰子文昌雞鍋套餐(一隻)(3-4人用),$588。
海南沙薑脆豬手
文昌手打丸拼盤
川味麻辣牛筋凍
黑豚梅味肉拼穀飼豬爽肉
野生鮮雜菇拼盤
安格斯牛小排
健康野菜籃
臘味芋頭煲仔飯

秘制醬汁,豉油加入沙薑、青柑桔和辣椒。

特別推出$10一隻法國生蠔優惠,咁抵必食,要了半打,蠔身賣相較廋,肉質爽口,海水味濃,味道不俗呀。

川味麻辣牛筋凍,入口冰涼,爽脆,麻辣味濃,都幾辣呀。

海南沙薑脆豬手,有點似白雲鳳爪,味道酸甜開胃,口感爽,幾好味呀。

特級椰子文昌雞鍋,店員把文昌雞倒入鍋內,再用沙漏計時,7分鐘後可食用。

椰子雞煲,湯底有點油,材料有椰青水、椰子肉及文昌雞,味道清香,雞肉味道略帶清甜的味道,質感少許結實,椰子肉好味呀。

安格斯牛小排,肉質細嫩,牛肉味濃,味道不俗。

黑豚梅味肉拼穀飼豬爽肉,口感難得唔鞋口,味道帶點甜,味道不俗呀。

野生鮮雜菇拼盤。

健康野菜籃,賣相不俗。

文昌手打丸拼盤,有墨魚丸、蝦丸、墨汁丸及黑松露丸,口感有彈牙又有韌性,味道鮮甜好多呀。

臘味芋頭煲仔飯,個飯份量比教少,臘腸份量多,都幾好味呀。

環境坐得舒適,食物味道不俗,份量上不算太多,價格尚算合理。

旺角荔枝角道33號百匯軒地下及1樓全層



沒有留言:

張貼留言