三星台菜食堂

友人生日，3人放工後近近地到銅記食飯，友人介紹了三星台菜食堂，以台灣正宗牛肉麵出名，於是便去一試了，聽到了三星、台菜及牛肉麵，不禁想起好幾年前在西環幫襯過三星牛肉麵呢，經翻查後果然是同一店子，由傅珮嘉的老公Steven開店。

7:00去到已經爆滿，要等一下才有位子，大約半小時有3人位了。

招牌牛肉麵的介紹。

台式奶茶(加珍珠)，$29，奶茶香滑，茶味較突出，煙韌的珍珠好有口感，味道不俗呀。

三星牛肉麵(免辣)，$82。

招牌牛肉麵，湯底十分濃郁，牛肉麵彈牙又入味，正!內有牛肚、牛腩及牛根，都是十分入味，口感夠腍，好美味呀。

魯肉飯，$42，是切粒的半肥瘦魯肉，口感有層次，味道上香口又惹味，仲有必食的半隻滷水蛋，一樣咁好味，淋上滷水汁的米飯，一流呀。

滷大腸，$46，滷水味濃郁，口感軟中帶韌，好惹味呀。

KTV香腸，$42，肥瘦適中的香腸，味道甜而不腻，好味呀。

第一鹽酥雞，$48，口感酥脆，雞肉脆中帶軟，幾好味呀。

有水準的台式店子，食物好味，價格合理，又多一個晚飯之選了。

銅鑼灣駱克道459-461號 The L. Square 21樓