甜椰坊自家制甜品專門店

食過晚飯後,順便食埋飯後甜品,係大埔的甜品店,我有好多都食過,上網搵到呢間甜椰坊,未食過,甜品賣相吸引左我,便去試下了。

     

裝潢是簡約主義的設計,時間尚早,唔太多人,之後越夜就開始多人了。

即睇有咩食,以椰皇作賣點,必試下呀。

蛋仔甜椰(凍),$42。

賣相十分吸引,用椰皇殼盛載,感覺有誠意,濃郁椰汁香味,雞蛋布甸,口感又滑又彈,味道少甜,底層像是大菜糕,爽口,有清甜的椰香味,幾好味呀。

燕窩甜椰(熱),$68。

份量十足的燕窩,好豐富,燉奶口感軟滑,味道香甜,好滋潤呀。

巴芙山,$43,用一口巴芙砌成一坐山的模樣,賣相有心思,巴芙口感酥脆,加上軟滑的忌廉及芒果粒、士多啤梨、水晶珠配料,幾好味呀。

賣相有特色,甜品味道不俗,好滿足的飯後甜品呀。

大埔安泰路1號大埔廣場地下6號2舖