心燒食堂

放工去Yan去食傳聞中的「一帶一露」海膽杯,港人價$68.9,必食呀,不過要食呢個杯海膽杯,就一定要book位先有呢個港人價優惠,同問埋有冇海膽杯供應,二人只限叫一杯,thx Yan幫忙book位呀,book了二位,9:30。

餐廳的門口,不少的本地的創作,甚有香港地的特色。

內堂是日式的設計,以木系為主,柔和的燈光,有relax之感。

menu,手繪的食物圖好靚呀。

「一帶一露」海膽杯,港人價$68.9(原價$128),賣相好吸引呀。

上層是黑松露燒帶子,好大粒,味道鮮香,面層看似滿佈海膽,其實份量唔算太多,但味道鮮美有水準,下層的青瓜粒及少量的牛油果粒,感覺清新。

燒美國牛脷芯,$58,口感富彈牙,香口又惹味.必食呀。

田樂茄子,$78,口感軟腍的茄子,配上豐富的肉醬,味道濃郁,好惹味呀。

心燒免治雞肉棒,$38,外層有少少脆,雞肉口感鬆化又入味,配上蛋黃同醬油,幾好味呀。

燒芝士年糕,$38。

口感煙韌,入面是豐富的芝士餡,味道濃郁,幾好味呀。

燒菠蘿,$28,味道甜,不過菠蘿味唔夠香呀。

海膽杯唔係想像中咁正,不過都OK,其他食物水準不俗,值得一試呀。

銅鑼灣駱克道487號駱克駅22-23樓