同GOGO去葵涌廣場行街,又想嘆tea,但想食茶餐,係樓下果層睇下有冇機有,因為成個場多數食粉麵居多,見到喱間有茶餐食,照入去試呀。
個地方好大,好多卡位,又有電視睇。叫左個常餐,$34,有牛油方包、鮮奶蘑菇炒蛋、沙嗲牛肉出前一丁麵及餐飲。
凍奶茶,好大杯,估唔到好飲呀。
沙嗲牛肉出前一丁麵,沙嗲味都幾好,牛肉份量適中,味道ok,有少少菜,感覺健康點呀。
牛油方包,好屈機,真係比執牛包同一小盒牛油比你自己搽,好hea呀,鮮奶蘑菇炒蛋,少少蘑菇,個蛋唔似有落鮮奶,唔多滑。
食物普通,不過係奶茶有驚喜,有機想試下熬奶茶呀。
葵芳葵富路7號葵涌廣場地下A63-66舖
沒有留言:
張貼留言