Allegretto~

假日想出街,但周圍都好多人,不如去嘆啡好過,見BLOG友介紹喱間店,杯立體拉花咖啡真係好得意,吸引左我想試,原來係中港城平台,位置上都幾隱世,行行覺得好熟,原來係世紀見證隔離呀。

揀左梳化位。

環境幾大,有空間感,假日好多人幫襯,雖然人多,但並不嘈雜,來的可能都是斯文人呀,感覺上寫意。

太多人比立體拉花吸引左,差唔多每台都有一杯,因為太受歡迎師父好忙,只可每台只做一杯立體拉花,其實可以分開買,不過懶咁做,要一杯好了。

Cappuccino,細杯,$28,隻貓仔真係好得意,以為會好快溶,點知影左陣都屹立不倒,真係用泡沫?因為得一杯,我讓左比YAN XD。

見到杯咖啡個可愛貓,人都開心左呀。

Cappuccino,細杯,$28,正常版,味道都OK架,香濃咖啡味呀。

位置比較寧靜,遠離煩囂,想一個人靜下時可以來嘆杯啡睇下書,成班FD吹下水又得。

尖沙咀廣東道33號中港城第三座平台1A號鋪