文華冰廳餅店~

十點仲未食飯,餓扁了,好多市肆都收晒,但身處係旺角就冇有怕,因為好多都收十一點,仲要係平!去到,仲有好多選擇,本身又想去華星,但食得太多了,一於試下對面間文華,一睇就知老店,最鍾情於冰室。

因為都十點幾了,冇乜人。

唔洗諗,就特餐,又平又多野食。

熱奶茶,茶記水準。

牛油方包+火腿奄列,方包唔算厚,普通,蛋好薄身火腿份量適中。

沙嗲牛肉麵,牛肉份量多,沙嗲味濃,幾好味呀。

食埋都差唔多十一點,見到有幾個阿姐收工起左,不過都冇趕我地走比我地慢慢,不過我地當然識做快d食唔阻人收工啦XD,懷舊冰室,正常水準,$26都幾抵平呀。

旺角西洋菜街204號地下