學整鬆弛熊馬卡龍~

上次收到YAN的馬卡龍,好得意又幾好味呀!激發左我好想整,於是約左去YAN家教我整了,之前試過兩次都失敗,不過仍然冇放棄過,因為太想成功了。

因為整到慶起,除左鬆弛熊,仲整埋圓形呀。

我地唔跟晒個食譜,因為唔想用太多色素。

材料:

蛋白       35g

糖         25g

糖霜       55g

杏仁粉     30g

可可粉     適量

餡料我地用左現成既樽裝朱古力榛子醬同果占。

杏仁粉、糖霜、可可粉混合過篩。

將蛋白打起至泡沫狀,分兩次加入糖,再打至蛋白呈鉤狀。(倒轉唔跌出來就ok)

再加入已篩過的混合物(杏仁粉、糖霜、可可粉),輕輕拌勻。(要由底到面輕軾拌勻)

入唧袋,之前PRINT左一張懶熊既圖樣,牛油紙舖上面,照住個樣來支。

完成後用風筒吹乾定型,吹到呈啞色,掂落係乾身既,大約吹半小時。

開始焗,喱個先係最麻煩的步驟,跟本身個食譜有d難,因為每個爐都唔同,之後上網搵左個好正既食譜,教我地睇住焗。

預熱150到,用150度焗5分鐘,會見到有有裙邊,再較130度焗15分鐘,共20分鐘。

蛋白同糖霜打發,加入危色素拌勻。

搽埋個朱古力餡,完成了~雖然唔算太似,但係我地好有心機做呀~thx yan 教我~XDDDDDDD~!

之後整得太開心,順便整埋圓型,用粉紅色素,都幾靚。

焗出來個色好深,可以色素太多呀。

之後再整抹茶,反而失敗左...可能因為拌勻時太多粒冇理到,下次再戰呀。