Lanciano Ristorante~

難得星期六放假,約yan去喱到食lunch,平時好難去到架,因為佢既lunch只係去到3點,之後就收舖,dinner又太貴,lunch係低食好多,有時間即來食了。

榛子忌廉咖啡,好多cream,賣相好吸引。

幾濃咖啡味,有cream同榛子味道甜甜地,唔錯呀,不過都係凍既好飲點,因為冇咁甜呀。

麵包有白都包同麥包,都係偏硬身少少既,配上黑醋同檻欖油食,味道酸酸地都幾好味。

馬鈴薯湯。

口感杰,味道濃,湯入面仲要係意大利雲吞,真係幾正架,不過有點漏,同太容易飽肚了。

豬頸肉雞蛋千層麵配車厘蕃茄汁,平時食開肉醬芝士千層麵,豬頸肉雞蛋做餡就真係第一次,感覺比較清淡,食落又ok,蕃茄汁淡,一層麵一層豬頸肉加蛋,幾好既。

燉雞肉配鷹咀豆荀洋蔥忌廉汁,因為係燉雞,味道上係有少少特別,口感好腍,味道好淡,有少少藥材味。

開心果榛子雪糕蛋糕,口感似硬硬地的雪糕,好有開心果味,唔錯呀。

橙味焦糖燉蛋,如果冇橙味會更好食呀。

喱次比較清淡,冇上次咁好食,不過係是日之選冇得揀,似乎食好野,要講彩數呀。