2012年7月9日 星期一

點點心點心專門店~

同yan去食點心.yan之前去過一間新開既點心店都ok,於是就去試下呀~!



7點幾去到,冇乜人,兩個人,叫左好多點心食呀~!


蟹子燒賣皇,$20,有4粒,太肚飽食左一粒先記得影,本身鍾意食燒賣,味道ok啦~!


晶塋鮮蝦餃,$24,個皮唔算太晶瑩剔透,蝦都唔算太大粒,普通啦~!


灌湯小籠包,$19,睇個款就知咩事,入面冇乜湯,麻麻地純粹過下口癮~!


蜜味叉燒腸粉,$19,都幾足料既~!


糖心牛肉飯,都唔係糖心蛋來...普通太陽蛋,牛肉味道ok~!


沙律明蝦角,$18,沙律+蝦感覺似海鮮卷,味道都唔錯,如果沙律醬多都好點~!


真係菠蘿包,$17~!


小小的一個,食落好方便,最正係入面真係有菠蘿架,同菠蘿蓉,熱熱地又好香菠蘿味,幾好食~!


套餐價:蘋果叉燒酥+3.6牛乳凍$26~!
蘋果叉燒酥,加左蘋果肉,似蘋果批加叉燒酥混合版,變左甜甜地既叉燒酥,味道又ok呀,出奇係夾左~!


草莓3.6牛乳凍,有芒果同草莓揀,不過發現係冇咩分別的,因為只係面層既醬..................冇影響,以為會有生果呀,牛奶味唔算好濃,一般呀~!

綜合來講係普通,不過個真係菠蘿包都幾好味,值得試下呀~!

旺角通菜街112號地下

沒有留言:

張貼留言