Baby Café~

baby cafe 不知不覺開了第三間分店,由上年已經好想試,到因為成日要排隊而冇左件事...行經i square見到冇乜人,好奇睇下個menu,set 個比想像中平,決定試下,喱間baby cafe不同之處,就係張相,對上2間店係女僕,而喱間走高貴路線,我比較喜歡喱個形象的baby。

以baby做主題,當然成個場滿佈baby,牆掛滿電子相架,連menu都唔例外,設計上黑白作主色,型格feel,枱椅都有古典氣息,只係燈光有點問題,用射燈,雖然感覺正點but.有少少刺眼同好難影到相.........!

留意左餐具,好新,立立令的。

熱洋甘菊,焦點集中左係隻杯到,太靚了,味道上,覺得太甜。

牛角包+黑松露野菌忌廉湯,牛角包好鬆化,香牛油味,湯賣相幾靚,香濃蘑菇味,都ok。

main course要左baby推介~Angela三食and Baby三食。

Angela三食(火炙鮭魚腩,磯邊揚春雞柳,鵝肝野菌意式燴飯),賣相好,份量少,雞柳真係唔掂,太硬又韌。燴飯有少少野菌同肝鵝粒,味道濃郁香口,不過飯太淋,缺左意飯的生硬口感。火灸鮭魚腩,外層熟,內裡生,鮭魚腩肥美可口,三食之中最好係喱款。

Baby三食(日式黑松露炒蛋,火炙鮭魚腩,香草蕃茄意粉),少少黑松露味,炒蛋滑,不過偏油。意粉的蕃茄味較淡。

set $118加1大約係$130,合理價,食物唔算好突出,味道普通,環境就真係無敵,雖然唔係fans,不過貪得意一試無妨,當食景~kawaii baby~!

尖沙咀彌敦道63號iSQUARE國際廣場3樓301號舖