2011年8月16日 星期二

荃灣小樽甜品屋~

4人又去荃灣奴食,荃灣原來好多野食呀,特別係甜品,好多選擇,兜左一圈視察環境,揀左兩間甜品店試,喱間係其中一間,有得坐出面食都幾正,不過咁熱之下當然入去嘆冷氣啦~!


旋轉甘露~$30,有6小杯,楊枝甘露@2,西瓜@2,椰汁西米露@2,因為4人之下,so每人share試左d~!
楊枝甘露~較為吸既一個,芒果味濃,幾好味~!
椰汁西米露~椰子味唔算太重,不果不失咁~!
西瓜~咁熱之下飲,感覺好正,好冰涼,西瓜味香~!

串燒草莓湯圓~$16,特色既甜點,因為喱個甜品而吸引左來,不過味道一般,冇咩特別~!

微熱既湯圓,外層燒過個位有少少少硬,入面個草莓餡好似果占咁,士多啤梨味唔重,係幾特別既不過味道麻麻地~!

明榴槤珠~$28,而加出左好多榴槤既甜品,真係食榴槤既好時節,岩晒like食榴槤既人,喱款榴槤甜品係榴槤布甸來既,加上珍珠,西米露,都幾滋潤~!

布甸口感軟滑,原來內有乾坤,入面有好多榴槤肉,每啖都有豐富既榴槤香味,好正呀~!

傳統心太軟~$39,心太軟又係喱到既特色之一,因為唔係普通既心太軟,個流芯係有幾款味揀的,有芒果,白朱古力or藍莓等,都幾特別,本身都想試下,不過又想試下喱間正宗既心太軟係點,so叫返傳統的了~!

喱到既心太軟個皮薄,不過都幾多朱古力醬,不過杰左少少,朱古力味道都ok,唔錯~!
綜合來講喱到既甜品都幾有創意,夠特別,不過味道普通d,覺得好味既反而係明榴槤珠,雖然唔係招牌貨,but幾味,因為like食榴槤呀haaaaaaaaaaaaa~!
荃灣荃興徑2-8號昌泰大樓7A地下



既然去到荃灣就順便去睇下kt個位,都知佢會封晒,不過都想好奇睇下,見到少少都幾得意呀,不過仲未知去唔去好~!

沒有留言:

張貼留言