廚魔茶室

 
放工約了友人去傳聞中的廚魔茶室，主要想試下廚魔西多士。

餐廳以紅白色為主調，都幾搶眼，平日大約7:30去到，冇乜人。

叫左主食、小食及西多士開心Share。

奶茶紅豆冰，$32，紅豆實在太少，奶茶淡左少許。
鴛鴦紅豆冰，$32，友人的。

蝦多條，$48，配番茜千島醬，擺盤精美，蝦多條口感酥脆，但蝦膠太薄，只食到少許蝦味。

廚魔肉餅飯，$75，見係人氣就試下，賣相其實冇乜特別，肉餅薄身食落香口，同平時係茶記食到嘅冇乜分別，個飯正常水準。

廚魔西多士(經典花生醬)，$42，最期待呢個，西多士口感似梳乎厘，內餡有花生醬，都幾好味。

食物味道正常，當試下。

尖沙咀金巴利道80號奇盛商業大廈UG樓