Cozy Coffee

假日同友人去賞櫻，先去大圍食Lunch，好想食All day breakfast，想去果間cafe太多人即轉場，搵到另一間cafe都有想食嘅野又有位即試下。

白色的門面，樓高兩層，裝潢以白色及木系為主調，感覺簡潔柔和，我哋坐上層，樓底較矮，比較自在寧靜，木架上的模型及精品擺設，不禁走去欣賞下。

餐牌，有其他選擇，但都係揀左All day breakfast，用餐時間90分鐘。

Flat White，$42，拉花好靚，口感順滑，少許甜有咖啡香味，不俗。

Cozy All Day Breakfast，$128，有煙三文魚、炒蛋、香草肉腸、煙肉、大啡菇、乳酪、沙律菜及酸種包，份量正常，沙律菜清新，酸種包都幾好，炒蛋幾滑，煙三文魚份量較少，其他正常發揮，有埋乳酪果下幾滿足。

食物正常水準，咖啡幾好，感覺Relax。

大圍積福街64-66號地下C號舖