Copper Beyond Buffet Gaysorn Amarin

今日終於可一試米芝蓮推介高級自助餐，友人網上Book定位12:00，我地揀貴少許果款(今次係可任食鵝肝)，每位THB2599+7%，任食2小時。

因為係人氣店好多人早點去好點，等候時可飲用ChaTraMue泰式奶茶沙冰，幾美味。

內堂面積頗大，裝潢有氣派。

有好多點餐位唔洗驚要排好耐，同友人即分頭拎野食先，見成枱都係野食果下好滿足。

入座時已準備了兩份鵝肝係枱。

入座時已準備了兩份鵝肝係枱。

Foie Gras Australian Striploin Steak，鵝肝澳洲西冷牛排，賣相吸引，鵝肝一樣美味，西冷牛排，味道焦香牛味濃，肉質鮮嫩，味道不俗。


Foie Gras with Raspberry sauce 覆盆子醬鵝肝，鵝肝肥厚，味道甘香，口感油潤，美味，配上覆盆子醬伴食中和鵝肝的油膩感。

Truffle Soup and Croissant 松露湯配牛角包，松露湯口感稠身，松露味濃香，牛角包唔算係好酥脆但幾香牛油味普通水準，配湯食就幾好味。

Australian Wagyu Sushi，澳洲和牛壽司，必食之一，好多人推介，好大片和牛，小小的壽司飯，有少許蟹籽作點綴，大片和牛，肉質軟嫩，牛肉味濃，幾好味。

Australian Wagyu Beef Boat Noodle澳洲和牛船麵，又係人氣之選，湯底濃香，船麵入味口感爽口，和牛濃郁鮮嫩味道不俗，但唔敢食多驚太飽，share最好呢。

Miyagi Oyster，米崎蠔，好期待個生蠔，賣相大隻飽滿，企食落冇乜鮮味，味道比較淡，普通。

Gilled River Prawn 烤河蝦，好大隻河蝦，蝦肉爽彈，燒得香口。

Sea Bass Beurre Blanc，白葡萄酒黃油鱸魚，魚肉都幾滑，個汁微酸味道一般。

Hokkaido Scallop A La Plancha Cauliflower,Raisin Puree 香煎北海道扇貝花椰菜葡萄乾醬，扇貝大粒鮮味香口，個醬味道甘甘甜甜。

串燒，正常水準。

澳洲紐約牛排，外層燒得焦香，內肉質鮮嫩牛味濃。

炸豆腐配白松露鵝肝醬，炸豆腐內軟滑，白松露鵝肝醬，有味白松露的香味亦有鵝肝味，味道濃郁，都不俗。

北海道干貝配海草芝麻百香果醬，個配搭好特別，干貝口感鮮嫩，而百香果醬酸酸甜甜，唔太夾。

冬陰功，個人覺得味道太酸。

刺身，賣相不俗，味道正常。

串燒，正常水準。

醃製熟成鱸魚，賣相不俗，鱸魚口感柔軟，個汁有少許番茄味，感覺上唔太夾。

黑胡椒雞腿配栗子檸檬，雞腿正常水準，栗子檸檬泡泡，少許清淡的檸檬味。

香煎海鱸魚配冬蔭功醬，鱸魚軟滑，冬蔭功醬酸酸辣辣。

甜品時間。

Chocolate Lava with Raspberry Sauce覆盆子醬伴朱古力心太軟，必食之一，最令人滿足就係切開後有澎湃的熱朱古力醬流出來，濃郁的黑朱古力味，伴雪糕食更美味，仲要細細件唔太漏。

Creme Brulee焦糖燉蛋，面層有薄脆的焦糖微苦甘甜，口感軟滑有蛋香，味道香甜，幾美味。

Michelin Cheesecake Almond Cream with Joneycomb 米芝蓮芝士蛋糕配杏仁奶油和蜂巢，口感軟滑，芝士味濃郁但唔算好漏。

ChaTraMue Semifreddo ChaTraMuez，口感滑溜，濃郁的泰奶茶味，個人幾喜歡。

alm Sugar Dumpling in Coconut Milk 椰奶棕櫚糖餃子，賣相都好泰式，椰香味濃，紫色的口感似湯圓。

Truffle Macaron 松露馬卡龍，適逢halloween有鬼怪的造型，都幾有松露味，因為係甜品，感覺怪怪地。

ChaTraMue Hokkaido-Style Cheesecake，芝士蛋糕口感軟滑，一樣都係泰奶茶味濃郁。

雪糕，味道普通。

感覺上唔係想像中咁好食，係款式多同食物快拎到手，普通酒店Buffet水準，有幾樣野好味，澳洲和牛壽司、船麵及心太軟。

Gaysorn Amarin, Unit 3F-s06, 3F-s07 502, Phloen Chit Rd, Lumphini, Pathum Wan, Bangkok 10330