一見堂

假日係旺角行下，天氣凍左想打邊爐但又唔想食太多野，友人想一人鍋即search下有冇，見到有間一見堂，一人鍋，仲要$68!勁平即吸引左去試下。

個入口都幾隱蔽係後巷，再上樓，門面格局好光猛。

內堂以木系為主調，感覺日式，6:30去到冇乜人，食食下就越來越多人。

餐牌，手機落單，一人鍋都幾多款式，一人煲都好吸引呢

壽喜燒雞煲，$68。

好特別即想試下，雞肉份量適中，食落唔太似壽喜燒味，但味道鹹鹹甜甜都可以，雞肉唔算好滑正常水準，薯仔不俗。

青島金啤，見有啤酒又想啤啤佢。

麻辣雞煲，$76，友人的。

清甜香菇雞湯鍋，$73，友人的，呢個好吸引。

食物正常好準，一人鍋幾抵食，坐得舒適，服務態度幾好，下次再戰。

旺角通菜街69號1樓