The Third

假日約了友人去元朗一轉，話時話好耐冇去過了，即睇有咩好野食，之前聽人講有間Cafe幾正，趁今日去試下。
店面好文青feel，都幾易認，差唔多13:00去到，食飯時段，果然好多人要等位，出面好熱但一場來到照等，等左大約20分鐘到有位。

小小的店子，位子不多，但又唔覺太迫，以白及綠色為主調，木系枱椅及對窗的吧枱，有著自然之感。

餐牌，揀左人氣之選。

Yuzu Cold Brew，$56，以橙片乾作點綴賣相清新，咖啡口感順滑，有咖啡香同時飲到清香的柚子味，味道清爽醒神。

Banananatte，$62，友人的，人氣之一，試下啖個味都幾好。

Oppa's Chicken，$108，鹹甜兼備的人氣班戟，炸雞份量適中，外層香脆雞似嫩，醬汁酸甜開胃幾好味，班戟口感鬆軟，糖槳及醬汁份量十足，因為有炸雞係面層，班戟味道香甜得來有少許鹹但夾到，味道不俗。

Mr Lobster，$108，小龍蝦沙律配牛油果，口感豐富味道清香，食到少許蝦肉及鮮甜味，班戟口感鬆軟濕潤，配上糖槳味道香甜，有nuts增添咬口。

食物味道不俗，唔怪之得咁受歡迎，下次有機再戰。

元朗建德街69號大福大廈地下1-B號舖