又是每月一餐的時候，今次去打冷，都真係好耐冇去，揀左新四眼佬打冷小廚，似乎係新店。
準時放工去到，餐廳分上下兩層，我人地一行5人係上層，感覺比較乾淨，但樓底矮較應聲。
f
即睇餐牌，好多選擇，大家都冇乜飯癮，只叫小菜都夠，叫了5款小菜。
大家啤啤佢。
金牌大雜拼，$138，人氣之一，見幾受歡迎即試下，有墨魚、大腸、腩肉、鵝腎、紅腸、鵝腸及生腸等，每款都可以試下，大腸、鵝腸及鵝腎都幾入味，腩肉香口最好味，不俗。
鼓椒炒聖子，$138，聖子好細粒感覺冇乜肉食，但味道算鮮甜，加上鼓汁夠惹味。
黃金鮮魷，$148，都係人氣之一，外皮香脆鹹香，入裡鮮魷口感爽彈有鮮味。
大阪燒蠔仔蛋，$138，見大阪燒咁日式好奇試下，個賣相真係有點似大阪燒，主要因為配料同整法，食落味道都似大阪燒同時亦有蠔仔蛋味，蠔仔份量多又飽滿都幾足料。
西蘭花鮮魷，$128，西蘭花口感柔軟清新，鮮魷份量十足又大片，食落脆彈鮮味。
食物味道不俗都幾抵食。
葵芳榮芳路97-111號地舖
沒有留言:
張貼留言