富山麵家

 
準時收工約了友人食飯，友人提議去富山麵家，富山麵家聯乘mofusand貓的期間限定主題店，個主題去到6月30日，趁而加即去一轉。
講起來都真係好耐冇幫襯富山麵家了(計返有成10年，果時係(Hello Kitty)。
店面以有mofusand貓的佈置，好可愛呢。

餐廳以木系為主調，日式的設計，感覺柔和，內堂有不少mofusand貓的佈置，猶如置身在mofusand貓的小天地。
平日7點多去唔到唔太多人，坐坐下就開始多。

紙具、筷子套及牙簽包裝都印有魚mofusand貓，有誠意。

餐牌，來到都係為左mofusand貓，都係食期間限定。

士多啤梨椰果梳打，$38，賣相同餐牌一樣，印有mofusand貓的棉花糖好可愛，好多Cream，有星星彩糖作點綴，士多啤梨梳打，淡淡的士多啤梨味，內有粒粒椰果，唔太甜都OK。
白桃烏龍奶茶，$38，友人的。

章魚燒，$38，有5粒，正常水準。

牛奶拉麵，$98，友人的，據聞味道幾好。

咖喱撈麵，$118。

份量頗多，炸蝦mofusand貓賣相可愛，咖喱甜甜地唔太辣日式咖喱的味道，麵條爽口頗掛汁，印有mofusand貓是魚片來的，口感有彈性，微微的魚片有的鮮味，普通，炸粉脆脆增添口感。

有炸蝦、數件炸雞及糖心蛋，都算幾多，味道正常發揮。

三色芭菲，$48，有三球雪糕，係士多啤梨、抹茶及芒果3個口味，水果作點綴，底層是木糠凍餅，都幾硬同實，味道普通，但炎夏食雪糕好消暑。

送的mofusand貓扣針。

食物正常水準，以個區來計價格合理，好多mofusand貓陪伴好滿足。

銅鑼灣希雲街7號地舖