莎樂美餐廳 (荃灣)

假日要去荃灣一轉，唔知食咩好，想起以前去過的莎樂美，懷舊扒房，平民價据下扒感受懷舊氣氛都不俗。
久別重逢(都有10年)，感覺上看似一樣。

餐廳有兩層，舊式扒房格局，燈光昏暗，黑白地板及雲石枱帶點型格，記得以前多數坐樓上，今次坐樓下卡位。
假日11:30到，因未到Lunch時段不太多人。

餐牌，有鐵板午餐及是日午餐，一場來到要鐵板餐。  


餐包，好大個，口感鬆軟，總覺得舊式扒餐係要有餐包配餐湯呢個組合先至係王道。

周打魚湯，十分足料，質感稠身香滑，內有魚肉口感軟滑，不俗。

羅宋湯，友人的，材料豐富，味道酸酸甜甜少許辣不俗。

黑椒牛肋條配黑椒汁，份量十足，有4件牛肋條，肉質鬆化柔軟，牛肉味較淡，都係豉油西餐的味道，薯角大件夠熱香脆。

紐西蘭青蠔伴洋蔥豬扒配洋蔥汁，友人的。

甜品，朱古力雪糕，正常水準。

食物上冇以前咁好食但都ok，服務態度正常，今時今日呢個價真係冇得輸，懷舊的味道。

荃灣沙咀道294號地舖