快樂麵麭

飯後經過快樂餅店，幾年前結業之後重開改名為快樂麵麭，主打懷舊麵包及曲奇小食等，當中忌廉筒最受歡迎，記得以前係灣仔返工有時都會幫襯佢做早餐(仲係快樂餅店同多數都係食紅豆沙翁)，感覺係唔同，但仍想幫襯下。

 

入到去又係比開心果吸引左。

開心果奶油忌廉筒，$15，都幾細件，但因為係飯後甜品即興食反而ok左，外層酥皮香脆，內餡忌廉奶油軟滑，味道鹹鹹甜甜，忌廉面層有開心果碎，有少許開心果味，唔算好濃郁，如果以開心果甜品來計味道普通，可能原味好食點。

灣仔皇后大道東66-68號地舖