The Old Book Store by The So Lonely Club

 
假日約了友人行下銅記順便食Lunch，今次去一間打卡餐廳，主打泰式Fusion菜，好想去一轉，Thanks友人book位。

餐廳以英倫復古書店為主題，有好多打卡位，裝潢甚有古典之感，樓底高、落地玻璃，空間感及自然光線感覺舒適。

個餐牌，玩味十足，假日冇Lunch要散叫(都正常)，食物都幾多選擇，都揀左一陣。

開心果奶蓋咖啡，$56，見到開心果即吸引左，開心果奶蓋，口感creamy有開心果味，有咖啡香味，整體味道偏甜。

班蘭椰奶咖啡，$54，友人的，個杯好正。

明太子蟹肉野菌意大利麵，$138，份量偏少，夠女仕食，明太子醬汁豐富，味道鹹鮮辛香，意粉軟硬適中又掛汁，每啖都食到其鮮美，加上蟹肉鮮甜及蟹籽增添味道及口感味道不俗。

烤大蝦海鮮椰香喇沙飯，$148，份量偏少，夠女仕食，大蝦味道鮮香，青口飽滿味道正準，喇沙配上飯，幾有特色，燴飯的口感好入味，入口有濃郁的喇沙味，椰香味重，甜甜地辣辣地好惹味。

提拉米蘇奶蓋巴斯克芝士蛋糕，$78，Tiramisu奶蓋口感綿密有咖啡香，蛋糕口感軟滑，芝士味濃厚香甜。

食物幾有特色，味道正常水準，服務態度正常，裝潢真係幾靚，打卡之選。

銅鑼灣謝斐道535號Tower 535地下1號舖