蓮香樓

假日好得閒，即慶約親戚飲茶，諗返蓮香樓重開之後都未幫襯過(原來對上幫襯已係14年前嘅事!慨嘆歲月....)，趁今次去下。

基本上由以前到而加都係好多遊客去(個感覺自己都變左遊客)，加上假日13:00就更加多人，預左要等位(但其實呢個時間咩茶樓都係要等位)，大約半個鐘後有位。

樓高兩層，上層是茶樓，下層設有茶飲店及禮品店(感覺似手信)。

重開的蓮香樓，保留返原貌及傳統，同時翻新左少許亦加入了新的元素，開設了茶飲店-蓮香茶(Lunch成日經過想挑機但最後都冇試)。

懷舊的格局，傳統茶盅及推車仔等，人多搭枱就梗，見到令人懷念的推車仔，推住車仔叫賣，聽到想食即點果下正，兒時回憶返晒來~!

出面有點心新鮮出爐即吸引左大家出去拎，但有好多想食嘅都冇晒。

茶芥，每位$18。

餐牌。

懷舊馬拉糕(大點)，$35，好大件，平時好少點，見到即慶想食，鬆軟香甜。
鵪鶉蛋燒賣(大點)，$35，細個時又好鐘意食燒賣上面果粒鵪鶉蛋，點來懷緬一番，味道正常水準。
香蒨牛肉腸(頂點)，$40，腸粉有米香，芫荽牛肉內餡份量適中。

鮮蝦炸雲吞(小點)，$25，口感香脆，正常水準。

蓮香蝦餃皇(頂點)，$40，蝦餃大粒，外皮香軟，鮮蝦爽口。

蟹籽燒賣皇(大點)，$35。

懷舊糯米雞(特點)，$38，好大件又足料，糯米口感煙韌，有清新的荷葉香味，呢個都幾好食。

五香牛什(頂點)，$40，味道正常。

碗仔翅，$48。

豉汁蒸鳳爪(中點)，$30。

黃金叉燒酥(大點)，$35，好耐冇食過叉燒酥，口感酥脆，叉燒餡料適中，鹹甜可口。

椒鹽魷魚鬚，$58，口感酥脆惹味。

椰皇燕窩燉鮮奶，$48。

食物正常水準，價格略貴，懷舊情懷。

中環威靈頓街160-164號地舖